اعلان فتح الهجرة الشرعية لامريكا _ الان فتح باب التقديم الالكترونى بالهجرة الشرعية لأمريكا والتقديم لمدة شهر واحد 3-10-2018

اعلان فتح الهجرة الشرعية لامريكا _ الان فتح باب التقديم الالكترونى بالهجرة الشرعية لأمريكا والتقديم لمدة شهر واحد 3-10-2018

للوتري فتح اول يوم النهاردة (الهجرة الشرعية لأمريكا) التقديم بيبقا شهر واحد فقط في السنة الي عايز يقدم
تعديل :
لينك التقديم
https://www.dvlottery.state.gov
عباره عن قرعه و سحب عشوائي
بتقدم من غير ولا مليم واسمك بيبقي معاه مليون اسم تانيين .. ولو اسمك طلع في السحب اللي بتعمله امريكا هتكسب جرين كارد لأمريكا يعني اقامه دائمه 5 سنين وبعدها تقدم علي الجنسيه
التقديم فى اكتوبر 2018 .. النتيجه فى اول مايو 2019 .. نشرات الفائزين هتبدأ في سبتمبر 2019 .. المقابلات في السفاره هتبدأ في اكتوبر 2019 .. السفر بيكون فى خلال 2020

المتطلبات
1- تكون معدي ال 18 سنه
2- تتصور صوره خمسه فى خمسه خلفيتها بيضاء بدون فوتوشوب مساحتها اقل من 240كيلوبايت
3- تكون مخلص ثانويه عامه او ما يعادلها من التعليم الفني ولو معاك ابتدائيه او اعداديه فقط ساعتها لازم يكون عندك سنتين خبره في حرفه كبيرة معروفه
4- للشباب لازم تكون محدد موقفك من التجنيد ساعه المقابله وجايب شهادة للسفاره الامريكيه بأنك معفي او خلصت .. لو لسه عليك جيش مش هتسافر
التقديم مجانا .. فقط بتملي ابلكيشن صغير مبياخدش 3 دقائق علي الموقع دة وفيه بيسألك عن اسمك و تاريخ ميلادك و الايميل بتاعك و اخر شهادة تعليم حصلت عليها و حالتك الاجتماعيه
فى نهايه تقديم الطلب بتحصل على كونفيرميشن نمبر ودة عباره عن رقم هو اللى بتكشف بيه عن نتيجتك فى مايو 2019
* لو متجوز هتضيف كل الاولاد اللي اقل من 21 سنه معاك هما والزوجه في الابلكيشن حتي لو مش هيسافروا معاك .. لازم تكتبهم معاك
* لو متجوز اتنين مش هينفع تضيف الا واحدة بس منهم
* لو كسبت انت ال هتتحمل كل حاجه لوحدك وبنفسك من اول فلوس الفيزا مرورا ب تذكره الطيران لغايه لما تسافر وتدور علي شغل بنفسك بدون مساعدة منهم
* لو الفيزا طلعت لازم تسافر في خلال 6 شهور من تاريخ الكشف الطبي والا الفيزا هتروح عليك
حصه مصر بتكون حوالى 3500 ل 4000 تأشيرة من اجمالى 50 الف تأشيرة حول العالم كل سنه

 

لمتابعة الصفحة الرسمية وكل جديد لحظة بلحظة … من هنـــا

 

للمزيد من الوظائف الخالية جميع التخصصات … من هنـــا

تعليقات الفيسبوك